Sabr..
Kabaad ke dher se chun leta hai wo ummeed ke tukde,
Wo kandho pe khwahishen uthaye chalta hai, chhoti si umr me,
Un hatho me kalam hoti to likh deta zamaane ko ek afsaana,
Wo apni kismat ka tarana gungunaye chalta hai, chhoti si umr me.
Jo phenk dete hain ham mamool, bekar samajh ke gharo se. apne,
Un nakaam cheezo me ek waqt roti ki kaamyabi dhundh leta hai,
Chhoti pareshaniyon ki shikayatein nahi karta wo Rahi,
Wo aasman ki chhat aur aadhi roti me sabr rakh leta hai, chhoti si umr me.
Wo chun leta hai ummeed ke tukde, is chhoti si umr me.